الانتساب لهاد المركز كان من أفضل القرارات الي أخدتا بحياتي. كان واضح من أول اتصال أنو المركز بتهمو مصلحة الطالب وليس الربح، لأنو كنت على وشك أبدا سنة تالتة لما قررت أنو اشترك بالدورة المكثفة وهنن حكولي أنو لا، بل يفضل انو تشتركي بدورة خاصة تأسيسية لطلاب البيسك الي سعرا أرخص بكتير من الدورة المكثفة. الدكاترة الي درسوني كانو ممتازين من جميع النواحي. كانو ما يبخلو علينا بخبرتن بالدراسة والامتحان ووين بتجي الأسئلة و حتى يجيبولنا أسئلة Uworld ونحلا مع بعض. أسلوب الشرح كان ممتاز و مبسط ومناسب لكل الفئات الي كانت موجودة (من طلاب بيسك للامتياز). الدكاترة كلن كانو قمة بالأخلاق والتعامل الراقي وكانت علاقتن معنا أخوية وليس أستاذ وطالب بس هاد طبعا غير عن حصص المراجعة المجانية اذا كنا محتاجين او اذا حس الدكتور انو نحنا ما اخدنا حقنا بالمادة. كمان في نقطة كتير مهمة الي هي الالتزام بوقت الحصة من دون أي تأخير. ولو كان في ظرف طارىء بتتعوض الحصة من دون ما يصير إخلال بالخطة الزمنية الي ماشيين عليها. بالأخير، بنصح كل واحد حابب يبلش مشوار الusmle بهالمركز، و بإذن الله ما رح تندموا.